Ég hef alltaf vitað að ég væri heppin að alast upp á Íslandi, það eru óendanlega margir kostir við okkar fagra land en einn er sá kostur sem er að renna almennilega upp fyrir mér nú.  Eftir að hafa farið lítillega um Slóveníu með augun glennt yfir mikilli náttúrufegurð þá er þó sá hængur á að nær hvert sem auga er litið þá eru rafmagnslínur.  Þær liggja hér út um allt, þvers og kruss um fallegt landslagið, í gegnum borgir og bæi.  Þetta getur varla verið hollt. Við erum svo heppin með að hafa víðáttuna okkar og landslag sem er óspillt af þeirri sjónmengun sem rafmagnslínur eru.  

Eins mikið og álver og stóriðjuframkvæmdir eru í umræðunni, og ég vil finna einhverja kosti á þeim, þá eru alltaf að poppa upp fleiri og fleiri ástæður fyrir því að við ættum ekki að samþykkja þær og er sjónmengun ein af þeim, hvort sem er af ljótum byggingum og rafmagnslínum - svo ekki sé talað um þau áhrif sem mengunin frá þeim hefur.  Af hverju eru línurnar ekki lagðar í jörð?  Veit að það er dýrt og auðvitað hefur það líka áhrif á landslagið en... held að það sé þess virði til lengdar þegar túrismi er að aukast og óspillt náttúra er að verða dýrmætari og dýrmætari.  Ég hreinlega hef ekki gert mér almennilega grein fyrir þessu áður - hvað t.d. Evrópa er virkilega þétt setin, með öllu því sem tilheirir manninum.   

Ísland - best í heimi!